“జోస్యుల గారు మీ చేత సృష్టించబడిన అక్షరార్చన .కామ్ చాలాబాగుంది.6నుడి 10 తరగతి వరకు ఆంధ్రప్రదేశ్ తెలుగు వాచకాలకు ,10వ తరగతి తెలంగాణా తెలుగు వాచకానికి అద్భుతమైన ప్రయత్నం చేశారు. ప్రతి పాఠానికి సంబంధించిన కవులచిత్రాలు ,నేపథ్యాలు ,ప్రక్రియలు ,ఉద్దేశాలు పిల్లలకు సులభంగా అర్థమై అందరిని ఉత్సాహ పరిచేవిగా ఉన్నాయి.చిత్రాలను చూడగానే కథ మొత్తం అర్థమయ్యే రీతిలో ఉన్నాయి. మూల్యాంకనానికి సంబంధించిన వ్యాకరణాంశాలలో పదజాలం ,వ్యాకరణాంశాలు ఇంకా రాలేదు కానీ మంచి ప్రయత్నం. లక్ష్యాత్మక ప్రశ్నలు చాలాబాగున్నాయి.మీ కృషి అభినందనీయం. అందుకే కష్టేఫలే అన్నారు. మీ కృషికి తప్పక ఫలితం ఉంటుంది.

“పండిత మిత్రులు శ్రీ జోస్యుల వారికి ఆర్య, మీరూ రూపాందించిన అక్షరార్చన వెబ్సైట్ విద్యార్థినీ, విద్యార్థులకు, ఉపాధ్యాయులకు కడు ఆచారణీయం, మార్గదర్శకము. మీ కృషికి అభినందనలు. హరిఃఓం

“మీ అక్షరార్చన. కామ్ చూసాను చాలా బాగుంది. అందులో తెలుగు సబ్జక్ట్ కు సంబంధించిన అన్ని అంశాలను ఎంతో అర్ధవంతంగా పొందుపరచడం జరిగింది. చిత్రాలు ఎంతో సజీవంగా చక్కగా ఉన్నాయి. మీ కృషికి అభినందనలు.

“బ్రహ్మశ్రీ జోస్యుల లక్ష్మీకాంతం గారికి నమస్కారాలు. మీప్రయత్నము వెన్నెల విహారాలుగా జనపదాలు తిరుగుతు మధురిమలు పొందుతూ మాణిక్య వీణ పలికించి జ్ఞాన భిక్ష ను పోంది గోరంతదీపమై ఉండి మీరుచే స్తున్న ఈ పని ఎందరో మిత్రులకు ఉపయోగపడగలవనిఅనుకుంటున్నా

“జోస్యుల వారికి నమస్సులు! మీ అక్షరార్చన వెబ్సైట్ నేను పూర్తిగా చూశాను. ఇది మన పండిత మిత్రులందరికీ, విద్యార్థులకు ఎంతో ఉపయోగకరం. ముఖ్యంగా ఆంధ్ర ప్రదేశ్ పాఠ్యాంశాలే కాక మన సోదరులకు తెలంగాణ పాఠ్యాంశాలను కూడా అందజేయడం నాకు చాలా సంతృప్తి కలిగించింది.మీరు చేస్తున్న కృషి అద్భుతం. మీ పాఠ్యాంశాల వీడియోలు, మెటీరియల్స్, ఇతర బోధనోపకరణాలు అత్యద్భుతం. కాకపోతే మీరు రాష్ట్ర పండిత పరిషత్ బాధ్యులు.శత వసంతాల మన సంఘ వేడుకలు జరుపుకుంటున్న శుభవేళ,mi సేవలు మరింత మన సంఘానికి కూడా అందించగలరని ఆశిస్తున్నాను.

“పుస్తకం ఇతరుల చేతిలో పడితే చినిగిపోయి నలిగిపోయి మళ్లీ మన చేతికి వస్తుంది అన్నది పూర్వులు చెప్పిన అభిప్రాయం. ఇప్పుడు జోస్యులవారు రెండు తెలుగు రాష్ట్రాల్లో ఉన్న భాషా పండితులకు, భాషాభిమానులకు ఒక అమూల్యమైన కానుక అందిస్తున్నారు. నైనం చిందంతి శస్త్రాణి, నైనం దహతి పావకః.. అన్నట్లు వీరు అందజేస్తున్న సమాచారము అందరికీ ఒకేసారి అందుబాటులో ఉంటుంది. ఎంతమంది ఎన్నిసార్లు అయినా దీన్ని ఉపయోగించుకోవచ్చు. ఇది చిరిగిపోదు, నలగదు. వాడిన కొద్దీ విజ్ఞానం పెరుగుతుంది. అటు వాడుకున్న వారికి, ఇటు అందజేసిన వారికి ఇద్దరికీ ఉపయోగం. ఒకప్పుడు టిఎల్ఎం టీచింగ్ లెర్నింగ్ మెటీరియల్ తయారు చేయడం పెద్ద ప్రయాసతో కూడుకున్న పని. ఇప్పుడు అది జోశ్యుల వారు చేసిన పని వల్ల కరతలామలకం అయింది. పానెల్ ఓపెన్ చేసి అక్షరార్చన వెబ్సైట్ ఓపెన్ చేస్తే చాలు ఆయా పాఠాలకు కావలసిన విషయం ఆసాంతం అందుబాటులో ఉంటుంది. ఉన్ముఖి కరణ దగ్గర నుంచి పాఠాంత పద్యం వరకు ఏది కావాలంటే అది తరగతి వారీగా చిటికలో మీ ముందు ప్రత్యక్షమవుతుంది. మీకు కావలసిందల్లా దీనిని వాడుకునే విధానం తెలియడమే! పాఠాలకే పరిమితం కాకుండా తెలుగు భాషా సాహిత్యాలపై సమగ్ర అవగాహన కలగడానికి, అభిరుచిని పెంపొందింప చేయడానికి ఈ వెబ్సైట్ ఎంతో ఉపయోగకారి. తెలుగు సాహిత్యానికి సంబంధించినంత వరకు ఈ వెబ్సైట్ ఒక విజ్ఞాన సర్వస్వం. జోష్యులవారు సాంకేతిక యుగంలో పుట్టిన కొమర్రాజు లక్ష్మణరావు గారి లాంటివారు. తెలుగు ఉపాధ్యాయులందరూ ఈ సిద్ధాన్నాన్ని ఉపయోగించుకొని తృప్తి పడాలి.విద్యార్థులను తృప్తి పెట్టాలి. అప్పుడే దీనికి సార్ధకత

“ఆర్యా నమస్సులు, తమరు ఏ ఫలాపేక్ష లేకుండా, వ్యయ ప్రయాసలకోర్చి విద్యార్థుల కోసం" అక్షరార్చన. కామ్ " ను నిర్వహించడం ఎంతో సంతోషదాయకం. ఇది విద్యార్థులకే కాక, ఉపాధ్యాయులకు కూడా ఎంతో ఉపయోగకరమైనది. ఇందులో మీరు అందిస్తున్న ప్రతి అంశం కూడా అందరూ భద్రపరచుకోదగినది. ఎంతో ఓపికతో శ్రమిస్తున్న మీకు హృదయ పూర్వక అభివందనములు.

“వర్ధమాన తెలుగు భాషా సేవకులలో గౌరవనీయ జోస్యుల వారు అగ్రశ్రేణిలో ఉన్నారనడం అతిశయోక్తి కాదు. ప్రాథమిక స్థాయి నుండి ఇంటర్ వరకు తెలుగు రాష్ట్రాల సిలబస్ ఆధారంగా అక్షరార్చన.కామ్ వెబ్సైట్, అక్షరార్చన వాట్సాప్, అక్షరార్చన టెలిగ్రామ్ గ్రూపుల ద్వారా తెలుగు ఉపాధ్యాయులకు అందించే సహాయ సహకారాలు అజరామరం. కేవలం ఒక క్లిక్ ద్వారా అత్యున్నత ప్రమాణాలు కలిగిన బోధనోపకరణాలు (వర్ణ చిత్రాలు,ఆడియోలు,వీడియోలు), స్టడీ మెటీరియల్ ( నోట్స్, ప్రాజెక్టు పనులు, పుస్తక సమీక్షలు, అదనపు సమాచారాలు) అందుబాటులోకి తేవడం అంత తేలికైన పని కాదు. దీనివెనుక గణనీయమైన పరిశ్రమ, వ్యయప్రయాసలు భరిస్తూ ఈ మహత్తర కార్యాన్ని ఒంటి చేతితో మోస్తున్న జోస్యుల వారికి తెలుగు రాష్ట్రాల తెలుగు ఉపాధ్యాయులు చాలా రుణపడి ఉన్నాము. ధన్యవాదాలు అనేది చాలా చిన్నది. మాతృభాష సేవ పట్ల కేవలం ప్రాణప్రదమైన అభిరుచి ఉంటే తప్ప ఇటువంటి పనికి పూనుకోవడం కష్టం. తెలుగు భాష పట్ల ఇంత తీవ్రమైన మక్కువను జోస్యుల వారికి ఇచ్చిన దేవునికి కృతజ్ఞతలు. తెలుగు ఉపాధ్యాయులు,తెలుగు భాషాభిమానులు ఈ వెబ్ సైట్ ఉపయోగించి వారి కృషికి ప్రోత్సాహపరచాలని కోరుకుంటున్నాను.

“జోస్యుల లక్ష్శీకాంత్ గారూ అభినందనలు! "akshararchana.com" అనే మీ వెబ్ సైట్ చూసాము. ఇది విద్యార్థులకు మాత్రమే కాక ఉపాధ్యాయులకు కూడా ఎంతో ఉపయోగకరంగా ఉంది. తెలుగు పాఠ్యపుస్తక రచయితగా, స్టేట్ రిసోర్స్ పర్సన్ గా మీ అనుభవాన్ని రంగరించి రూపొందించిన ఈ వెబ్ సైట్ అభ్యాసకులకు, బోధకులకు అనువుగా ఉండి, పాఠాలలోని విశేష అంశాలను తెలియజేస్తుంది. వ్యాకరణాంశాలు,ఛందస్సు ఇంకా ఇతర పాఠ్యాంశాలు,తెలంగాణ తెలుగు సిలబస్ కూడా జతగూడితే పరిపూర్ణత వస్తుంది. మీ కృషి ప్రశంసనీయం.

“అక్షరార్చన వెబ్సైట్ ద్వారా జోస్యుల వారు చేస్తున్న కృషి అమోఘమైంది. ఉన్నత పాఠశాల స్థాయిలో ఉపాధ్యాయులకు అలాగే విద్యార్థులకు మంచి మార్గదర్శనం చేస్తున్నారు. ఉపాధ్యాయ మిత్రులు అడిగిన ఏ సమాచారాన్ని అయినా వెబ్సైట్ ద్వారా చేరుస్తున్నారు. ఆధునిక సాంకేతికతను మేళవించి పాఠ్యాంశాలలోని పద్యాలను, గేయాలను హృద్యంగా రూపొందించి , ఇటు హృదయానికి అటు మెదడుకి చేరవేస్తున్నారు. ఇది తెలుగు భాష కి సేవ చేయడం కూడా అవుతుంది. జోస్యులవారికి హృదయపూర్వక ధన్యవాదాలు.

“మూడుదశాబ్దాలకుపైగా తెలుగుభాషోపాధ్యాయుడిగా,ఉపాధ్యాయుల వృత్యంతరశిక్షకుడిగా మీదుమిక్కిలి మాతృభాషాభిమానిగా ఆంధ్రప్రదేశ్, తెలంగాణారాష్ట్రాలకు చిరపరిచితులైన శ్రీ జ్యోస్యులవారు ఉద్యోగవిరమణతరువాతకూడా అక్షరార్చనపేరుతో భాషాసేవచేస్తూ సాధారణ భాషోపాధ్యాయునికి బోధనలో ఎదురయ్యేఅనేకానేకసమస్యలకు పరిష్కారంచూపుతున్నారు. యూట్యూబ్ లోకూడా విద్యార్థులకుసులభంగా అర్ధమయ్యే రీతిలో వ్యయప్రయాసలకోర్చిపాఠాలు తయారుచేసి అందించడం అభినందనీయం.వీరుచేస్తున్నభాషాసేవకు భాషోపాధ్యాయ లోకమంతా జేజేలుపలుకుతోంది..

“తెలుగు భాష & అభివృద్ధి ఒక వ్యక్తి సంకల్పం ఎప్పుడు, ఏ‌విధంగా, ఉపయోగపడుతుందో కానీ నా సంకల్పం పదిమందికే కాదు, పది తరాలకు సరిపోయేంతలా మారాలని కోరికతో తన విశ్రాంత ఉపాధ్యాయ‌జీవితాన్ని,..." విత్తనం మర్రి వృక్షంబునట్లుగా" ఒక చిన్న సంకల్పంతో ఈనాడు అక్షర అక్షరార్చన డాట్ కం అనే పేరుతో అక్షర కుసుమాలను అందజేస్తూ "అక్షరం మనల్ని రక్షిస్తుంది కాబట్టి ఆ అక్షరాన్ని మనం రక్షించాలి', తెలుగు భాషను తెగువ కలిగిన భాషగా మనకు వెలుగు భాషగా దీనిని ముందుకు తీసుకుని వెళ్ళాలనేది గొప్ప విషయం. ఇది నా సంకల్పం, అని దీక్ష పూనిన మహర్షి లా తన మార్గంలో తానే ఒక సైనికుడిగా ముందుకు కదలగా మీకు మేమున్నామంటూ, ఎంతోమంది మేధావులు, పండితులు, గానకళాకోవిదులు ,సంగీత విద్వాంసులు, మేము సైతం అంటూ అక్షరార్చనకు అండగా నిలబడగా ఇది తెలుగు రాష్ట్రాల్లో ఉండే తెలుగు వారికే కాదు, యావత్ ప్రపంచంలో ఉన్న తెలుగు వారందరికీ తన సేవలు అందాలి ,అనే సంకల్పంతో మరో ప్రయత్నానికి శ్రీకారం చుట్టిన జోస్యల వారి పెద్ద మనసుకు అభినందనలు ,భాషాభివృద్ధి, సంస్కృతి పట్ల రచన వ్యాసంగం పట్ల, ఇతిహాసాలు ,పురాణాలను, సాహిత్యాన్ని ,వ్యాకరణాలను ,వ్యాసం గాలను ఇంకా ఎన్నో తెలుగులో మరుగున పడిపోతున్న విషయాలను వెతికి తీయడమే ,తన ముందున్న కర్తవ్యం గా, భావించి , మా సలహాను అడగడం వారికి మాయందున్న గౌరవభావం ,మీ గౌరవం అందుకోవడం మమ్మల్ని ఎంతగానో ఆనందపరిచింది ఈ పూర్ణానందుడు తన వంతు సాహిత్య ,కవిత్వ విషయాలను నాకు తోచినంతలో మీకు అందిస్తానని తెలియజేసుకుంటూ.. సదా మీ అభివృద్ధి ని కాంక్షించే..,

“నమస్తే మాస్టారూ🙏🏻💐 మీరు ఎంతో ,సహనంతో, ప్రజ్ఞ పాట వాలతో ,దీశక్తితో ప్రతి విద్యార్థికీ తెలుగు భాషామృతం అందించాలనే తపన ఈరోజు విద్యార్థులందరికీ తెలుగు సులభంగా నేర్చుకోవడానికి అక్షరార్చన వలన మాత్రమేసులభ సాధ్యమయింది. మీరు మార్గ నిర్దేశకులు. మీ అనితర కృషికి నమో వాకములు🙏🏻 ప్రతి అంశాన్నీ మీరు సునిశిత పరిశీలన చేసి, శ్రమకోర్చి ఇతర ఉపాధ్యాయులను కళాకారులను కలుపుకుంటూ ఈ కార్యక్రమాలను నిబద్ధత తో అందరికీ అందిస్తున్నారు. మీకు శతకోటి ధన్యవాదాలు మాస్టారు💐🙏🏻 మీరు పంపించే ప్రతి వీడియోపాఠము అత్యుత్తమ గా ఉంటూ విద్యార్థుల పురోభివృద్ధికి మూల కారణమై ఉపాధ్యాయుల శ్రమను తగ్గిస్తూ..విద్యార్థుల విజయానికి ఊతంగా నిలుస్తోంది!🙏🏻

“ఉపాధ్యాయుని బాధ్యత కేవలం సిలబస్ పూర్తి చేయడం మాత్రమే కాదని, విద్యార్థుల వ్యక్తిత్వ వికాసం, నైతిక విలువల ఆవిష్కరణ, దేశభక్తి మరియు మానవతా భావాల పెంపకం కూడా అంతే ముఖ్యమని మీరు స్పష్టంగా చెప్పారు. ఇది నిజమైన విద్య యొక్క మూల సారం. 👉 సాంకేతిక పరిజ్ఞానం ఎంత వేగంగా అభివృద్ధి చెందుతున్నా, మానవ సంబంధాలు, సంస్కృతి, విలువలు మరుగున పడకూడదని మీ ఆందోళన ప్రతి ఉపాధ్యాయునికి మార్గదర్శకంగా నిలుస్తుంది. 👉 భాషోపాధ్యాయునిగా మీరు తీసుకున్న “*అక్షరార్చన” ఒక సాధన మాత్రమే కాదు, అది ఒక **సంకల్పం*. భాష ద్వారా విలువల బోధన, సంస్కృతి పరిరక్షణ, సాహితీ సంపదను తరతరాలకు అందించడం అనేది అత్యున్నత సేవ. 👉 మీరు చేసిన పిలుపు - "తెలుగు బోధనలో ఎవరూ ఇబ్బంది పడకూడదు, ప్రతి విద్యార్థి మన సాహితీ వారసత్వాన్ని అర్థం చేసుకోవాలి" - ఇది ఒక మోటివేషన్ మంత్రం లాంటిది. మీ ఈ ప్రయత్నం ఉపాధ్యాయులకు మార్గదర్శకం, విద్యార్థులకు ప్రేరణ, తల్లిదండ్రులకు ఆశ. “అక్షరార్చన” ద్వారా మీరు చేస్తున్న సేవ భాషాభివృద్ధికి మాత్రమే కాదు, మానవతా విలువల పరిరక్షణకు కూడా ఒక వెలుగు దీపం అవుతుంది. తెలుగు పట్ల మీ అంకితభావం చూసి ప్రతి ఒక్కరూ గర్వపడతారు.

“అక్షరార్చన సైట్ తెలుగు భాషాభిమానులకు, ఉపాధ్యాయులకు, విద్యార్థులకు అమూల్యమైన జ్ఞానభాండారం. ఈ సైట్ లో పాఠ్య ప్రణాళికలు, వీడియో పాఠాలు, సాధన పత్రాలు, ప్రశ్నపత్రాలు వంటి అనేక ఉపయోగకరమైన అంశాలు అందుబాటులో ఉన్నాయి. పాఠ్య బోధన నుండి మూల్యాంకనం వరకు ప్రతి దశలో ఉపాధ్యాయులకు ఇది మార్గదర్శకంగా నిలుస్తోంది. ముఖ్యంగా విద్యార్థుల భాషా నైపుణ్యాభివృద్ధికి, పబ్లిక్ పరీక్షలలో విజయానికి ఈ సైట్ ఎంతో ఉపయుక్తంగా ఉంది. అంతర్జాలంలో ఇతర విషయాల ఉపాధ్యాయులకు అందుబాటులో ఉన్నంత విస్తృతమైన సమాచారం తెలుగు ఉపాధ్యాయులకు లభించడం లేదు. ఆ లోటును అక్షరార్చన సైట్ సమర్థంగా భర్తీ చేస్తుంది అని చెప్పవచ్చు. ఈ విలువైన వేదికను సృష్టించి, నిరంతరం నాణ్యమైన సమాచారం అందిస్తున్న శ్రీ లక్ష్మీకాంత్ గారికి హృదయపూర్వక అభినందనలు. బోధనలో విశేష అనుభవం కలిగిన శ్రీ లక్ష్మీకాంత్ గారు లాభాపేక్ష లేకుండా, తెలుగు ఉపాధ్యాయులు మరియు విద్యార్థుల అభ్యున్నతే లక్ష్యంగా సత్సంకల్పంతో చేస్తున్న ఈ అమూల్యమైన సేవకు కృతజ్ఞతలు తెలియజేస్తున్నాను. ఈ అవకాశాన్ని మనందరం వినియోగించుకుందాం. బోధనలో నాణ్యతను పెంచుకొని, తెలుగుభాషాభివృద్ధికి పాటుపడదాం.

“జోస్యుల లక్ష్శీకాంత్ గారూ నమస్కారం. తరగతుల వారీగా పిల్లల్లో భాషా సామర్థ్యాలు,విషయ అవగాహన మరింతగా పెంపొందించే విధంగా, వ్యాకరణాంశాలను కూడా సులభగ్రాహ్యం చేస్తూ, పాఠ్యాంశ సంబంధిత చిత్రాలను,కీలక భావనలను అందించి, పద్యాలు,గేయాలు పాడుకోవడానికి మార్గదర్శకములైన ఆడియో,వీడీయోలను అద్భుతంగా రూపొందించి, తెలుగు పాఠ్యాంశాలను విద్యార్థులకు కరతలామలకం చేస్తూ మీరు రూపొందించిన ఈ "అక్షరార్చన.కామ్" వేదిక విద్యార్థుల, ఉపాధ్యాయుల పాలిటి కామధేనువు అనటంలో అతిశయోక్తి లేదు.శుభం భూయాత్.

“జోస్యులవారికి నమస్సులు.తెలుగు సబ్ఙక్టుకు మీరు ప్రత్యేకంగా రూపొందించిన "అక్షరార్చన.కామ్ " వెబ్ సైట్ చాలాబాగుంది. ఇందులో ఆంధ్రప్రదేశ్ కు చెందిన సిలబస్ తో పాటు తెలంగాణ పాఠ్యపుస్తకాల సిలబస్ ను కూడా వెబ్ సైట్ లో జోడించినందుకు చాలా సంతోషం. ఈ వెబ్సైట్ ఎంతో ఉపయోగకరంగా ఉంటుందని మా భావన. మీ కృషి వెలకట్టలేనిది. మరొక్క మారు అభినందనలు.

“తెలుగు ఉపాధ్యాయుడిగా దాదాపు 35 సంII అనుభవం, స్టేట్ రిసోర్స్ పర్సన్ గా,పాఠ్య పుస్తక రచయిత గా,ఉపాధ్యాయుల కరదీపికలను రూపొందించి,ప్రశ్నాపత్రాల రూపకల్పన లో మీ పాత్ర ఎనలేనిది.ప్రస్తుత పరిస్థితుల్లో ప్రతి పనిలో సాంకేతిక ఆవశ్యకత ఎంతైనా ఉంది.ఆ సాంకేతికతను అందిపుచ్చుకుని మీరు రూపొందించిన అక్షరార్చన ప్రయత్నం అద్భుతంగా ఉంది.తెలుగు భాష పై మమకారం తో మీరు ఈ వెబ్సైట్ రూపొందించి తెలుగు ఉపాధ్యాయులకి,విద్యార్థుల కి విలువైన సమాచారాన్ని ఒకే చోట చిత్రాల రూపంలో,వీడియోలలో అందిస్తున్నారు.అలాగే pdf పుస్తకాలు కూడా ఈ వెబ్సైట్ లో అందించారు.అక్షరార్చన వెబ్సైట్ త్వరలోనే రెండు తెలుగు రాష్ట్రాల్లో ఒక గొప్ప స్థానాన్ని ,విద్యార్థుల, ఉపాధ్యాయుల మనసుల్లో చెరగని ముద్రను సొంతం చేసుకుంటుంది అనడంలో అతిశయోక్తి లేదు. మీ గొప్ప ప్రయత్నానికి అభినందనలతో, మిత్రుడు గంగాధర్ నాయుడు.