ఉపాధ్యాయుని బాధ్యత కేవలం తరగతి సిలబస్ ను అనుసరించి పాఠాలు బోధించడం మాత్రమే కాదు. విద్యార్ధుల పట్ల గురుతరమైన బాధ్యత మనకు ఎంతోవుంది. విద్య ప్రధాన లక్ష్యం ఙ్ఞానసముపార్జనే అయినప్పటికీ, పాఠ్యాంశాల తాత్వికత ద్వారా క్రమశిక్షణ, నైతిక విలువలు, దేశ భక్తి, మానవ సంబంధాలు విద్యార్థి తన తరగతి అభ్యసనలోనే మెరుగుపరచుకోవాలి. నేడు మనకు అత్యాధునిక సాంకేతిక విఙ్ఞానం అందుబాటులో ఉండి, ఎన్నో సౌకర్యాలను అందిస్తూ మనల్ని ప్రభావితం చేస్తోంది. సాంకేతిక విఙ్ఞానంతో పరుగులు తీస్తున్న మన చిన్నారులు సరియైన దిశలో ప్రయాణించలేకపోతే మానవతా విలువలు, సంబంధాలు పూర్తిగా మరుగున పడిపోయే అవకాశం ఉంది. నేటి పోటీ ప్రపంచంలో మంచి మార్కులు, గ్రేడులు, ర్యాంకులకోసం ఒత్తిడికి గురై ఎంతో శ్రమిస్తూ ఫలితాలను అందుకుంటున్న మన విద్యార్ధులు మానవతా విలువలు, మానవ సంబంధాలు, దేశభక్తి, సంస్కృతి పరిరక్షణలో వెనుకంజ వేస్తున్నారు. ప్రాథమికస్థాయి నుండి ఉన్నతస్థాయి వరకు బోధించే గురువులందరు ఈ విషయాలపట్ల శ్రద్ధ తీసుకోవలసిన అవసరం ఎంతైనా వుంది. ముఖ్యంగా భాషోపాధ్యాయులు ఇటువంటి అంశాలను తమ బోధనలో మేళవించి అమలుచేయటం సముచితం. అందుకే మాతృభాషాబోధకుడిగా నా చేతనైన ప్రయత్నం చేసి, తోటి పండితులకు, చిన్నారులకు, తల్లిదండ్రులకు, పూర్తిస్థాయి సహకారం అందించాలని, తెలుగు బోధనోపకరణాలకు ఎవ్వరు ఇబ్బంది పడకూడదని "అక్షరార్చన" చేస్తున్నాను.
మన ప్రాచీన సాహితీ సంపదను, సంస్కృతీ సంప్రదాయాలను మీ అందరిద్వారా మరెందరికో అందించే ప్రయత్నం చేస్తున్నాను. తెలుగువాడిగా జన్మించినందుకు గర్విస్తూ, మన భాష, సంస్కృతీ పరిరక్షణలో భావి తరాలకు వరంగా "అక్షరార్చన" కాగలదని విశ్వసిస్తు, నిరంతరం మీ సహకారం కోరుతు, మీకు తెలిసిన విలువైన అంశాలను ఈ వెబ్ సైట్ ద్వారా తెలియజేస్తారని ప్రార్ధిస్తూ.......జోస్యుల.
⚡⚡⚡ FLASH NEWS ⚡⚡⚡
⚡⚡⚡USEFUL LINKS⚡⚡⚡
“అక్షరార్చన” నిజంగా అక్షరానికి అర్చనే! అందమైన చిత్రాలతో ఆకర్షణీయంగా రూపుదిద్దుకున్న సుప్రసిద్ధులైన ఆంధ్రకవుల పరిచయాలు, వ్యాకరణాంశాలు ఒకటేమిటి అన్నీ ఎంతో విజ్ఞానదాయకంగా ఉన్నాయి. అటు విద్యార్థులకు, ఇటు ఉపాధ్యాయులకు, తెలుగు భాషాభిమానులకు కూడా ఎంతో ఉపయుక్తంగా ఉన్నది. తోటి ఉపాధ్యాయులకు ఈ అక్షరార్చన “కరదీపిక” అని నిస్సందేహంగా చెప్పవచ్చు. పాఠశాల స్ధాయిలోనే మాతృభాషాధ్యయనానికి గట్టి పునాది పడాలనే సంకల్పానికి అనుగుణంగా తీర్చిదిద్దిన ఈ వెబ్సైట్ ఎంతో బాగుంది. జోస్యుల లక్ష్మీకాంత్ గారు చేస్తున్న కృషి ప్రశంసనీయం.
జోస్యుల గారు మీ చేత సృష్టించబడిన అక్షరార్చన .కామ్ చాలాబాగుంది.6నుడి 10 తరగతి వరకు ఆంధ్రప్రదేశ్ తెలుగు వాచకాలకు ,10వ తరగతి తెలంగాణా తెలుగు వాచకానికి అద్భుతమైన ప్రయత్నం చేశారు. ప్రతి పాఠానికి సంబంధించిన కవులచిత్రాలు ,నేపథ్యాలు ,ప్రక్రియలు ,ఉద్దేశాలు పిల్లలకు సులభంగా అర్థమై అందరిని ఉత్సాహ పరిచేవిగా ఉన్నాయి.చిత్రాలను చూడగానే కథ మొత్తం అర్థమయ్యే రీతిలో ఉన్నాయి. మూల్యాంకనానికి సంబంధించిన వ్యాకరణాంశాలలో పదజాలం ,వ్యాకరణాంశాలు ఇంకా రాలేదు కానీ మంచి ప్రయత్నం. లక్ష్యాత్మక ప్రశ్నలు చాలాబాగున్నాయి.మీ కృషి అభినందనీయం. అందుకే కష్టేఫలే అన్నారు. మీ కృషికి తప్పక ఫలితం ఉంటుంది.
పండిత మిత్రులు శ్రీ జోస్యుల వారికి ఆర్య, మీరూ రూపాందించిన అక్షరార్చన వెబ్సైట్ విద్యార్థినీ, విద్యార్థులకు, ఉపాధ్యాయులకు కడు ఆచారణీయం, మార్గదర్శకము. మీ కృషికి అభినందనలు. హరిఃఓం
మీ అక్షరార్చన. కామ్ చూసాను చాలా బాగుంది. అందులో తెలుగు సబ్జక్ట్ కు సంబంధించిన అన్ని అంశాలను ఎంతో అర్ధవంతంగా పొందుపరచడం జరిగింది. చిత్రాలు ఎంతో సజీవంగా చక్కగా ఉన్నాయి. మీ కృషికి అభినందనలు. .
బ్రహ్మశ్రీ జోస్యుల లక్ష్మీకాంతం గారికి నమస్కారాలు. మీప్రయత్నము వెన్నెల విహారాలుగా జనపదాలు తిరుగుతు మధురిమలు పొందుతూ మాణిక్య వీణ పలికించి జ్ఞాన భిక్ష ను పోంది గోరంతదీపమై ఉండి మీరుచే స్తున్న ఈ పని ఎందరో మిత్రులకు ఉపయోగపడగలవనిఅనుకుంటున్నా
జోస్యుల వారికి నమస్సులు. మీ "అక్షరార్చన.కామ్" చూశాను. మన పండిత మిత్రులందరికీ ఇది ఎంతో ఉపయోగకరం. మీరు చేస్తున్న కృషి అద్భుతం. మీ పాఠ్యాంశ వీడియోలు అత్యద్భుతం. కాకపోతే ఒక విషయం మీరు రాష్ట్ర పండిత పరిషత్ బాధ్యులు. గతంలో లాగా మన సంఘానికి కూడా సేవలందించగలరని ఆశిస్తున్నాను.
పుస్తకం ఇతరుల చేతిలో పడితే చినిగిపోయి నలిగిపోయి మళ్లీ మన చేతికి వస్తుంది అన్నది పూర్వులు చెప్పిన అభిప్రాయం. ఇప్పుడు జోస్యులవారు రెండు తెలుగు రాష్ట్రాల్లో ఉన్న భాషా పండితులకు, భాషాభిమానులకు ఒక అమూల్యమైన కానుక అందిస్తున్నారు. నైనం చిందంతి శస్త్రాణి, నైనం దహతి పావకః.. అన్నట్లు వీరు అందజేస్తున్న సమాచారము అందరికీ ఒకేసారి అందుబాటులో ఉంటుంది. ఎంతమంది ఎన్నిసార్లు అయినా దీన్ని ఉపయోగించుకోవచ్చు. ఇది చిరిగిపోదు, నలగదు. వాడిన కొద్దీ విజ్ఞానం పెరుగుతుంది. అటు వాడుకున్న వారికి, ఇటు అందజేసిన వారికి ఇద్దరికీ ఉపయోగం. ఒకప్పుడు టిఎల్ఎం టీచింగ్ లెర్నింగ్ మెటీరియల్ తయారు చేయడం పెద్ద ప్రయాసతో కూడుకున్న పని. ఇప్పుడు అది జోశ్యుల వారు చేసిన పని వల్ల కరతలామలకం అయింది. పానెల్ ఓపెన్ చేసి అక్షరార్చన వెబ్సైట్ ఓపెన్ చేస్తే చాలు ఆయా పాఠాలకు కావలసిన విషయం ఆసాంతం అందుబాటులో ఉంటుంది. ఉన్ముఖి కరణ దగ్గర నుంచి పాఠాంత పద్యం వరకు ఏది కావాలంటే అది తరగతి వారీగా చిటికలో మీ ముందు ప్రత్యక్షమవుతుంది. మీకు కావలసిందల్లా దీనిని వాడుకునే విధానం తెలియడమే! పాఠాలకే పరిమితం కాకుండా తెలుగు భాషా సాహిత్యాలపై సమగ్ర అవగాహన కలగడానికి, అభిరుచిని పెంపొందింప చేయడానికి ఈ వెబ్సైట్ ఎంతో ఉపయోగకారి. తెలుగు సాహిత్యానికి సంబంధించినంత వరకు ఈ వెబ్సైట్ ఒక విజ్ఞాన సర్వస్వం. జోష్యులవారు సాంకేతిక యుగంలో పుట్టిన కొమర్రాజు లక్ష్మణరావు గారి లాంటివారు. తెలుగు ఉపాధ్యాయులందరూ ఈ సిద్ధాన్నాన్ని ఉపయోగించుకొని తృప్తి పడాలి.విద్యార్థులను తృప్తి పెట్టాలి. అప్పుడే దీనికి సార్ధకత
ఆర్యా నమస్సులు, తమరు ఏ ఫలాపేక్ష లేకుండా, వ్యయ ప్రయాసలకోర్చి విద్యార్థుల కోసం" అక్షరార్చన. కామ్ " ను నిర్వహించడం ఎంతో సంతోషదాయకం. ఇది విద్యార్థులకే కాక, ఉపాధ్యాయులకు కూడా ఎంతో ఉపయోగకరమైనది. ఇందులో మీరు అందిస్తున్న ప్రతి అంశం కూడా అందరూ భద్రపరచుకోదగినది. ఎంతో ఓపికతో శ్రమిస్తున్న మీకు హృదయ పూర్వక అభివందనములు.
వర్ధమాన తెలుగు భాషా సేవకులలో గౌరవనీయ జోస్యుల వారు అగ్రశ్రేణిలో ఉన్నారనడం అతిశయోక్తి కాదు. ప్రాథమిక స్థాయి నుండి ఇంటర్ వరకు తెలుగు రాష్ట్రాల సిలబస్ ఆధారంగా అక్షరార్చన.కామ్ వెబ్సైట్, అక్షరార్చన వాట్సాప్, అక్షరార్చన టెలిగ్రామ్ గ్రూపుల ద్వారా తెలుగు ఉపాధ్యాయులకు అందించే సహాయ సహకారాలు అజరామరం. కేవలం ఒక క్లిక్ ద్వారా అత్యున్నత ప్రమాణాలు కలిగిన బోధనోపకరణాలు (వర్ణ చిత్రాలు,ఆడియోలు,వీడియోలు), స్టడీ మెటీరియల్ ( నోట్స్, ప్రాజెక్టు పనులు, పుస్తక సమీక్షలు, అదనపు సమాచారాలు) అందుబాటులోకి తేవడం అంత తేలికైన పని కాదు. దీనివెనుక గణనీయమైన పరిశ్రమ, వ్యయప్రయాసలు భరిస్తూ ఈ మహత్తర కార్యాన్ని ఒంటి చేతితో మోస్తున్న జోస్యుల వారికి తెలుగు రాష్ట్రాల తెలుగు ఉపాధ్యాయులు చాలా రుణపడి ఉన్నాము. ధన్యవాదాలు అనేది చాలా చిన్నది. మాతృభాష సేవ పట్ల కేవలం ప్రాణప్రదమైన అభిరుచి ఉంటే తప్ప ఇటువంటి పనికి పూనుకోవడం కష్టం. తెలుగు భాష పట్ల ఇంత తీవ్రమైన మక్కువను జోస్యుల వారికి ఇచ్చిన దేవునికి కృతజ్ఞతలు. తెలుగు ఉపాధ్యాయులు,తెలుగు భాషాభిమానులు ఈ వెబ్ సైట్ ఉపయోగించి వారి కృషికి ప్రోత్సాహపరచాలని కోరుకుంటున్నాను.
మహోదయ జోస్యుల వారికి అక్షర సుమాలతో అభినందనలు. " మిక్కిలి వ్యయ ప్రయాసలకోర్చి నిర్వహిస్తున్న ఈ జాలగూడు ( అక్షరార్చన ) ప్రతి పండితులకు, ఉపాధ్యాయులకు, విద్యార్థులకు ఉపయుక్తం. అందరికీ ఉపయుక్తమైన అనేక అంశాలను ఒక్కచోట సమకూర్చి, వివరించి, సమర్పించుట బహు శ్రమ సాధ్యమైన పని. అటువంటి కార్యాన్ని చేపట్టడం అభినందనీయం. ఈ జాలగూడు మీది మిక్కిలి తెలుగు భాషా బోధకులకు ఉపయోగకరం. పరీక్షల దృష్ట్యా విద్యార్థులకు అత్యంత ఆవశ్యకరమైనది. భాషా సముద్రాన్ని ఈద వలెనన్న ఆకాంక్షలున్న వారందరికీ ఈ అక్షరార్చన దిక్సూచి వలె దరిచేర్చగలదు అన్నమాట సత్యోక్తియే" అని నా అభిప్రాయం. -పైడి నాగ సుబ్బయ్య. ప్రభుత్వ పాఠ్య పుస్తక రచయిత. తెలుగు భాషా వ్యాకరణ సమూహాల నిర్వాహకులు.
అక్షరార్చన వెబ్సైట్ ద్వారా జోస్యుల వారు చేస్తున్న కృషి అమోఘమైంది. ఉన్నత పాఠశాల స్థాయిలో ఉపాధ్యాయులకు అలాగే విద్యార్థులకు మంచి మార్గదర్శనం చేస్తున్నారు. ఉపాధ్యాయ మిత్రులు అడిగిన ఏ సమాచారాన్ని అయినా వెబ్సైట్ ద్వారా చేరుస్తున్నారు. ఆధునిక సాంకేతికతను మేళవించి పాఠ్యాంశాలలోని పద్యాలను, గేయాలను హృద్యంగా రూపొందించి , ఇటు హృదయానికి అటు మెదడుకి చేరవేస్తున్నారు. ఇది తెలుగు భాష కి సేవ చేయడం కూడా అవుతుంది. జోస్యులవారికి హృదయపూర్వక ధన్యవాదాలు. - డాక్టర్ సుంకర గోపాలయ్య, తెలుగు సహాయ ఆచార్యులు ఆంధ్రప్రదేశ్ డిగ్రీ పాఠ్య ప్రణాళిక సంఘ అధ్యక్షులు
మూడుదశాబ్దాలకుపైగా తెలుగుభాషోపాధ్యాయుడిగా,ఉపాధ్యాయుల వృత్యంతరశిక్షకుడిగా మీదుమిక్కిలి మాతృభాషాభిమానిగా ఆంధ్రప్రదేశ్, తెలంగాణారాష్ట్రాలకు చిరపరిచితులైన శ్రీ జ్యోస్యులవారు ఉద్యోగవిరమణతరువాతకూడా అక్షరార్చనపేరుతో భాషాసేవచేస్తూ సాధారణ భాషోపాధ్యాయునికి బోధనలో ఎదురయ్యేఅనేకానేకసమస్యలకు పరిష్కారంచూపుతున్నారు. యూట్యూబ్ లోకూడా విద్యార్థులకుసులభంగా అర్ధమయ్యే రీతిలో వ్యయప్రయాసలకోర్చిపాఠాలు తయారుచేసి అందించడం అభినందనీయం.వీరుచేస్తున్నభాషాసేవకు భాషోపాధ్యాయ లోకమంతా జేజేలుపలుకుతోంది..
తెలుగు భాష & అభివృద్ధి ఒక వ్యక్తి సంకల్పం ఎప్పుడు, ఏ‌విధంగా, ఉపయోగపడుతుందో కానీ నా సంకల్పం పదిమందికే కాదు, పది తరాలకు సరిపోయేంతలా మారాలని కోరికతో తన విశ్రాంత ఉపాధ్యాయ‌జీవితాన్ని,..." విత్తనం మర్రి వృక్షంబునట్లుగా" ఒక చిన్న సంకల్పంతో ఈనాడు అక్షర అక్షరార్చన డాట్ కం అనే పేరుతో అక్షర కుసుమాలను అందజేస్తూ "అక్షరం మనల్ని రక్షిస్తుంది కాబట్టి ఆ అక్షరాన్ని మనం రక్షించాలి', తెలుగు భాషను తెగువ కలిగిన భాషగా మనకు వెలుగు భాషగా దీనిని ముందుకు తీసుకుని వెళ్ళాలనేది గొప్ప విషయం. ఇది నా సంకల్పం, అని దీక్ష పూనిన మహర్షి లా తన మార్గంలో తానే ఒక సైనికుడిగా ముందుకు కదలగా మీకు మేమున్నామంటూ, ఎంతోమంది మేధావులు, పండితులు, గానకళాకోవిదులు ,సంగీత విద్వాంసులు, మేము సైతం అంటూ అక్షరార్చనకు అండగా నిలబడగా ఇది తెలుగు రాష్ట్రాల్లో ఉండే తెలుగు వారికే కాదు, యావత్ ప్రపంచంలో ఉన్న తెలుగు వారందరికీ తన సేవలు అందాలి ,అనే సంకల్పంతో మరో ప్రయత్నానికి శ్రీకారం చుట్టిన జోస్యల వారి పెద్ద మనసుకు అభినందనలు ,భాషాభివృద్ధి, సంస్కృతి పట్ల రచన వ్యాసంగం పట్ల, ఇతిహాసాలు ,పురాణాలను, సాహిత్యాన్ని ,వ్యాకరణాలను ,వ్యాసం గాలను ఇంకా ఎన్నో తెలుగులో మరుగున పడిపోతున్న విషయాలను వెతికి తీయడమే ,తన ముందున్న కర్తవ్యం గా, భావించి , మా సలహాను అడగడం వారికి మాయందున్న గౌరవభావం ,మీ గౌరవం అందుకోవడం మమ్మల్ని ఎంతగానో ఆనందపరిచింది ఈ పూర్ణానందుడు తన వంతు సాహిత్య ,కవిత్వ విషయాలను నాకు తోచినంతలో మీకు అందిస్తానని తెలియజేసుకుంటూ.. సదా మీ అభివృద్ధి ని కాంక్షించే..,
నమస్తే మాస్టారూ🙏🏻💐 మీరు ఎంతో ,సహనంతో, ప్రజ్ఞ పాట వాలతో ,దీశక్తితో ప్రతి విద్యార్థికీ తెలుగు భాషామృతం అందించాలనే తపన ఈరోజు విద్యార్థులందరికీ తెలుగు సులభంగా నేర్చుకోవడానికి అక్షరార్చన వలన మాత్రమేసులభ సాధ్యమయింది. మీరు మార్గ నిర్దేశకులు. మీ అనితర కృషికి నమో వాకములు🙏🏻 ప్రతి అంశాన్నీ మీరు సునిశిత పరిశీలన చేసి, శ్రమకోర్చి ఇతర ఉపాధ్యాయులను కళాకారులను కలుపుకుంటూ ఈ కార్యక్రమాలను నిబద్ధత తో అందరికీ అందిస్తున్నారు. మీకు శతకోటి ధన్యవాదాలు మాస్టారు💐🙏🏻 మీరు పంపించే ప్రతి వీడియోపాఠము అత్యుత్తమ గా ఉంటూ విద్యార్థుల పురోభివృద్ధికి మూల కారణమై ఉపాధ్యాయుల శ్రమను తగ్గిస్తూ..విద్యార్థుల విజయానికి ఊతంగా నిలుస్తోంది!🙏🏻
ఉపాధ్యాయుని బాధ్యత కేవలం సిలబస్ పూర్తి చేయడం మాత్రమే కాదని, విద్యార్థుల వ్యక్తిత్వ వికాసం, నైతిక విలువల ఆవిష్కరణ, దేశభక్తి మరియు మానవతా భావాల పెంపకం కూడా అంతే ముఖ్యమని మీరు స్పష్టంగా చెప్పారు. ఇది నిజమైన విద్య యొక్క మూల సారం. 👉 సాంకేతిక పరిజ్ఞానం ఎంత వేగంగా అభివృద్ధి చెందుతున్నా, మానవ సంబంధాలు, సంస్కృతి, విలువలు మరుగున పడకూడదని మీ ఆందోళన ప్రతి ఉపాధ్యాయునికి మార్గదర్శకంగా నిలుస్తుంది. 👉 భాషోపాధ్యాయునిగా మీరు తీసుకున్న “*అక్షరార్చన” ఒక సాధన మాత్రమే కాదు, అది ఒక **సంకల్పం*. భాష ద్వారా విలువల బోధన, సంస్కృతి పరిరక్షణ, సాహితీ సంపదను తరతరాలకు అందించడం అనేది అత్యున్నత సేవ. 👉 మీరు చేసిన పిలుపు - "తెలుగు బోధనలో ఎవరూ ఇబ్బంది పడకూడదు, ప్రతి విద్యార్థి మన సాహితీ వారసత్వాన్ని అర్థం చేసుకోవాలి" - ఇది ఒక మోటివేషన్ మంత్రం లాంటిది. మీ ఈ ప్రయత్నం ఉపాధ్యాయులకు మార్గదర్శకం, విద్యార్థులకు ప్రేరణ, తల్లిదండ్రులకు ఆశ. “అక్షరార్చన” ద్వారా మీరు చేస్తున్న సేవ భాషాభివృద్ధికి మాత్రమే కాదు, మానవతా విలువల పరిరక్షణకు కూడా ఒక వెలుగు దీపం అవుతుంది. తెలుగు పట్ల మీ అంకితభావం చూసి ప్రతి ఒక్కరూ గర్వపడతారు.
